Беларускія гінеколагі будуць змагацца з жаночым алкагалізмам
Апроч выканання сваіх асноўных абавязкаў, яны павінны будуць у часе прыёму апавядаць пацыенткам пра шкоду п’янства.
Пра гэта паведаміў «Ежедневнику» галоўны нарколаг Мінздароўя Аляксей Аляксандраў. З яго словаў, адпаведныя пункты будуць уключаныя ў абавязковы план размовы, якую кожны спецыяліст пры аглядзе павінен ладзіць са сваёй пацыенткай.
Звярнуцца па дапамогу калег-гінеколагаў нарколагі вырашылі з прычыны таго, што цягам апошніх год у Беларусі расце жаночы алкагалізм. У адрозненне ад мужчынскага гэта захворванне носіць больш схаваны характар, і выявіць яго на ранніх стадыях значна складаней.
Сярод 180 тысяч беларусаў, якія пакутуюць на алкагалізм, 33 тысячы — жанчыны.
