Беларускія самбісты былі трэцімі на турніры ў Пуціна

Зборная Беларусі стала бронзавым прызёрам Кубка прэзідэнта Расіі па самба. У спаборніцтвах, якія праводзіліся ўпершыню, бралі ўдзел 8 наймацнейшых мужчынскіх зборных свету - каманды Расіі, Беларусі, Балгарыі, Украіны, Казахстана, Паўднёвай Карэі, Грузіі і Грэцыі.

У 1/4 фінала беларусы перамаглі грэкаў - 8:1, аднак у паўфінале саступілі грузінам - 2:7. Разам са зборнай Беларусі бронзавымі прызёрамі сталі балгары. Турнір выйгралі расійскія самбісты, якія ў фінале перамаглі грузінаў.

БЕЛТА