Bjork дала наганяй і ўдарыла папарацы

Б’ёрк (Bjork) узялася за старое ды ізноў калечыць фатографаў. 13-га студзеня, 42-гадовая каралева музычнай эксцэнтрыкі сарвала кашулю з хлопца, які спакойна рабіў кадры ў аэрапорце Оклэнда (Новая Зеландыя), куды прыляцела Б’ёрк. "Ну, я зрабіў пару здымкаў, потым развярнуўся і пайшоў дадому. А яна як прыскокне, як схопіць мяне ззаду за футболку. Рванула з усіх сіл долу і парвала на мне вопратку. І пасля гэтага сама звалілася. А я з ёй не гаварыў, не дакранаўся да яе ні перад нападам, ні падчас, ні пасля. Гэтыя зоркі лічаць, што яны вышэй закона. Калі ты каго пакрыўдзіў або прычыніў калецтвы, - адказвай за іх гэтак жа, як і любы іншы чалавек. І я, напрыклад, нічога злачыннага ў сваёй працы не бачу, я фатограф - гэтая праца легальная і сацыяльна прымальная", - адзначыў пацярпелы.

Аб інцыдэнце было паведамлена паліцыі, якая ў дадзены момант вывучае запісы відэакамер, усталяваных у аэрапорце.

Нагадаем, што Б’ёрк здзейсніла ў 1996-м годзе знакаміты напад на тайландскага рэпарцёра, за што пасля была вымушаная прыносіць прабачэнні.