Браканьеры ловяць рыбу ў чарнобыльскай зоне

Супрацоўнікі Міністэрства па надзвычайных сітуацыях і інспектары Галоўрыбнагляду Украіны з дапамогай верталётаў затрымалі пяцьдзесят браканьераў, якія лавілі рыбу ў вадаёмах чарнобыльскай зоны. У іх канфіскавалі катэры і сеткі. Высветлілася, што браканьеры ловяць рыбу ў вадаёмах, забруджаных радыяцыяй, ужо не першы год.

Раней імі быў адкрыты цэх па перапрацоўцы рыбы, якую яны вывозілі ў іншыя рэгіёны краіны. За незаконную лоўлю ў чарнобыльскай зоне мужчынам пагражае ад паўтара да сямі гадоў пазбаўлення волі.

ПРИМА-News