БРСМ паслаў на выбарчыя ўчасткі больш за 5 тысяч назіральнікаў

Больш за 5600 назіральнікаў ад Беларускага рэспубліканскага саюза моладзі працуюць на выбарчых участках. Яны прысутнічаюць пры датэрміновым галасаванні, а таксама будуць працаваць на ўчастках галасавання ў дзень выбараў. Дарэчы, афіцыйная моладзевая арганізацыя накіравала сваіх сябраў і ў акруговыя выбарчыя камісіі. Туды ўвашлі уключана 96 прадстаўнікоў.

28 верасня чальцы добраахвотных дружынаў з ліку актывістаў БРСМ сумесна з органамі ўнутраных спраў будуць несці службу па ахове правапарадку ў месцах масавага адпачынку моладзі.

У дзень выбараў актывісты БРСМ плануюць павіншаваць тых маладых людзей, якія ўдзельнічалі ў галасаванні першы раз у жыцці. Ім будуць уручацца памятныя паштоўкі-пажаданні, стылізаваныя флаеры, запрашэнні на культурныя мерапрыемствы рэгіёна.

БЕЛТА