Брытні Спірс змяніла прычоску і піша альбом

Брытні Спірс дала яшчэ некалькі клубных канцэртаў у Флорыдзе. Як паведамляе InterMedia, пасля трох паспяховых канцэртаў у Каліфорніі і аднаго ў Лас-Вегасе амерыканская поп-выканаўца парадавала сваімі 15-хвіліннымі шоў жыхароў Арланда і Майамі. Яна выступіла там 19 і 20 траўня суадносна.

Акрамя таго, зараз Спірс пад кіраўніцтвам прадзюсара Нэйта Хілса працуе над новым альбомам. Спявачка сцвярджае, што яе новая работа не будзе адлюстроўваць праблемаў прыватнага жыцця.

Нагадаю, што некалькі дзён таму Брытні чарговы раз змяніла прычоску. Відаць, ёй надакучыла насіць парыкі, і яна нарасціла валасы.

Фота: www.ooops.pl