Чаму "Наша Ніва" каштуе так дорага?
Рэдактар абяцае, што калі павялічыцца тыраж - кошт знізіцца. А пакуль, як ні дзіўна, больш за "Нашу Ніву" у газетных шапіках каштуе толькі "СПИД-Инфо". Пры кошце ў 2 тысячы рублёў "Наша Ніва" ў некалькі разоў даражэй за "Советскую Белоруссию" (600 руб.), яна каштуе больш за "Комсомолку-толстушку" (890 руб.), "Вечерний Минск" (470 руб.) ды "Звязду" (500 рублёў) разам узятыя. "Известия" і "Белгазета" таксама саступаюць "Нашай Ніве", бо каштуюць толькі 1150 і 970 рублёў адпаведна.
На пытанне Еўрарадыё, чаму такі кошт, галоўны рэдактар "Нашай Нівы" Андрэй Скурко спасылаецца на нізкі тыраж ды нацэнку "Белсаюздруку".
Андрэй Скурко: "Паводле умоў, якія нам выставіў "Белсаюздрук", яны забіраюць сабе 55% ад выручкі. Зыходзячы з нашага накладу і з неабходных сродкаў на тое, каб газета магла неяк выжываць, і сфармавалася нашая цана. Зразумела, што гэта велікаватая цана, але яна неабходная зараз. Калі наклад будзе павялічвацца, цана будзе змяншацца".
Але ж заўважым, што "Народная воля" з тымі ж праблемамі каштуе амаль утрая танней.
Тым не менш, у Слуцку і некаторых раёнах Мінска газету ўжо раскупілі.
Андрэй Скурко: "У кіёскі завезлі недзе 3200-3500 асобнікаў. Сітуацыя досыць аптымістычна выглядае. Напрыклад, у Слуцку цалкам прадалася газета. У Мінску нашыя людзі абышлі кіёскаў 25 і не заспелі "Нашай Нівы". Дзе-нідзе яна, вядома, ёсць яшчэ, бо на рэгіёнах яна пайшла ў продаж толькі ў суботу, хоць выйшла ў чацвер раніцай".
У інтэрнэт-блогах Еўрарадыё заўважыла, што чытачоў абурае перадрукоўка "Нашай Нівай" матэрыялаў з іншых выданняў. Маўляў, выглядае на тое, што рэдакцыя не ведала, чым запоўніць "першы нумар" газеты. Андрэй Скурко абяцае больш уласных матэрыялаў.
Андрэй Скурко: "Няўжо там шмат перадруковак з "Газеты.ру"? Можа быць, там ёсць нейкая навіна, якую мы ўзялі. У наступных нумарах і надалей мы будзем арыентавацца на больш эксклюзіўную інфармацыю, аднак калі ёсць талковы артыкул, чаму не? Прыемна, што ў рэдакцыю тэлефануюць людзі, якія раней не падпісваліся. Пытаюцца, як лепш падпісацца: праз рэдакцыю атрымліваць ці праз "Белпошту".
Еўрарадыё абзваніла наўгад мінскія паштовыя аддзяленні №21 і № 82.
Аддзяленне сувязі №21: "Падпісаліся ўжо на 1639 асобнікаў газет. На "СБ" і "Рэспубліку" шмат падпісваецца. На "Народную Волю" 2 падпіскі аформлена."
У мінскім аддзяленні №82 знайшлося 55 падпісчыкаў "СБ" і тры - "Народнай волі."
Аддзяленне сувязі №82: "Усяго падпісалася - 1067. На "СБ" -55. Пра "Нашу Ніву" і "Народную волю" не вельмі пытаюцца. На "Народную Волю" 3 чалавекі падпісаліся."
Дарэчы, падпіска на "Нашу Ніву" на тры месяцы каштуе 36 тысяч. Для параўнання - "Народная воля" 28500, "Народная газета" 30360. Як даведалася Еўрарадыё, першапачаткова Белпошта памылілася з коштам падпіскі на "Нашу Ніву", завысіўшы яго на некалькі тысяч. Але потым выправіла.
На пытанне Еўрарадыё, чаму такі кошт, галоўны рэдактар "Нашай Нівы" Андрэй Скурко спасылаецца на нізкі тыраж ды нацэнку "Белсаюздруку".
Андрэй Скурко: "Паводле умоў, якія нам выставіў "Белсаюздрук", яны забіраюць сабе 55% ад выручкі. Зыходзячы з нашага накладу і з неабходных сродкаў на тое, каб газета магла неяк выжываць, і сфармавалася нашая цана. Зразумела, што гэта велікаватая цана, але яна неабходная зараз. Калі наклад будзе павялічвацца, цана будзе змяншацца".
Але ж заўважым, што "Народная воля" з тымі ж праблемамі каштуе амаль утрая танней.
Тым не менш, у Слуцку і некаторых раёнах Мінска газету ўжо раскупілі.
Андрэй Скурко: "У кіёскі завезлі недзе 3200-3500 асобнікаў. Сітуацыя досыць аптымістычна выглядае. Напрыклад, у Слуцку цалкам прадалася газета. У Мінску нашыя людзі абышлі кіёскаў 25 і не заспелі "Нашай Нівы". Дзе-нідзе яна, вядома, ёсць яшчэ, бо на рэгіёнах яна пайшла ў продаж толькі ў суботу, хоць выйшла ў чацвер раніцай".
У інтэрнэт-блогах Еўрарадыё заўважыла, што чытачоў абурае перадрукоўка "Нашай Нівай" матэрыялаў з іншых выданняў. Маўляў, выглядае на тое, што рэдакцыя не ведала, чым запоўніць "першы нумар" газеты. Андрэй Скурко абяцае больш уласных матэрыялаў.
Андрэй Скурко: "Няўжо там шмат перадруковак з "Газеты.ру"? Можа быць, там ёсць нейкая навіна, якую мы ўзялі. У наступных нумарах і надалей мы будзем арыентавацца на больш эксклюзіўную інфармацыю, аднак калі ёсць талковы артыкул, чаму не? Прыемна, што ў рэдакцыю тэлефануюць людзі, якія раней не падпісваліся. Пытаюцца, як лепш падпісацца: праз рэдакцыю атрымліваць ці праз "Белпошту".
Еўрарадыё абзваніла наўгад мінскія паштовыя аддзяленні №21 і № 82.
Аддзяленне сувязі №21: "Падпісаліся ўжо на 1639 асобнікаў газет. На "СБ" і "Рэспубліку" шмат падпісваецца. На "Народную Волю" 2 падпіскі аформлена."
У мінскім аддзяленні №82 знайшлося 55 падпісчыкаў "СБ" і тры - "Народнай волі."
Аддзяленне сувязі №82: "Усяго падпісалася - 1067. На "СБ" -55. Пра "Нашу Ніву" і "Народную волю" не вельмі пытаюцца. На "Народную Волю" 3 чалавекі падпісаліся."
Дарэчы, падпіска на "Нашу Ніву" на тры месяцы каштуе 36 тысяч. Для параўнання - "Народная воля" 28500, "Народная газета" 30360. Як даведалася Еўрарадыё, першапачаткова Белпошта памылілася з коштам падпіскі на "Нашу Ніву", завысіўшы яго на некалькі тысяч. Але потым выправіла.
