Цётка Кім Чэн Ына знаходзіцца ў коме
Кім Ген Хі, цётка паўночнакарэйскага лідара Кім Чэн Ына і ўдава пакаранага высокапастаўленага чыноўніка Чан Сон Тхэка, знаходзіцца ў коме.
Гэта здарылася пасля перанесенай аперацыі на галаўным мозгу, паведамляе interfax.by са спасылкай на паўднёвакарэйскую газету The JoongAng Ilbo. Як распавёў выданню чыноўнік у разведцы ЗША, Кім Ген Хі перанесла аперацыю па выдаленні пухліны галаўнога мозгу ў 2013 годзе ў Парыжы.
Па яго словах, пасля аперацыі яна моцна схуднела — страціла каля 35 кг. Крыніца газеты абвергла паведамленні некаторых карэйскіх СМІ, быццам Кім Ген Хі здзейсніла самагубства. Па яго словах, яна ўсё яшчэ жывая.
Кім Ген Хі — адзіная сястра экс-лідара КНДР Кім Чэн Іра. Раней хадзілі чуткі, што яна пакутуе на наркатычную залежнасць і жыве асобна ад мужа.
Фота — ntv.ru
