Дачка Міка Джагера стала дыджэем

Дачка Міка Джагера, Джэйд Джагер, дала свой першы канцэрт у якасці дыджэя ў Барселоне 22 студзеня, паведамляе ContactMusic. Раней 37-гадовая Джэйд пакінула працу дызайнера ювелірных упрыгожванняў і стварыла ўласную кампанію Jezebel, якая будзе займацца арганізацыяй канцэртаў, вырабам адзежы і мастацкіх вырабаў.

Джэйд плануе пры дапамозе кампаніі паспрыяць сваёй музычнай кар'еры. З Jezebel ужо супрацоўнічалі брытанская спявачка Лілі Ален (Lily Allen) і рэпер Эстэль (Estelle).

Нагадаем, у вакаліста The Rolling Stones Міка Джагера сем дзяцей ад чатырох жанчын. Джэйд стала другім дзіцем Міка Джагера і адзіным ад яго першай афіцыйнай жонкі - Б'янкі, з якой музыка развёўся ў 1978 годзе. Поўнае імя Джэйд - Джэйд Шына Джэзэбль Джагер (Jade Sheena Jezebel Jagger).

Фота: www.newyork.ru