ДАІ страляла па аўтамабілі ў Мінску

Пасля гэтага было вырашана прымяніць табельную зброю, паведамілі onliner.by у ДАІ Кастрычніцкага раёна сталіцы.

5 красавіка каля 22.30 на вуліцы Казінца, каля перакрыжавання з вуліцай Кіжаватава інспектары спрабавалі спыніць гэты аўтамабіль, аднак кіроўца праігнараваў патрабаванне, развярнуўся прад двайную суцэльную лінію разметкі і стаў уцякаць. Пачалася пагоня, якая працягвалася ў прыватным сектары, на вуліцы Брэсцкай, Чарнігаўскай ды іншых.

У пэўны момант Форд пачаў рухацца заднім ходам і пашкодзіў службовы аўтамабіль і затым ледзь не збіў інспектара. Да пагоні падключыўся другі экіпаж. Адкрылі страляніну па колах аўтамабіля. Толькі пасля гэтага ён спыніўся.

Высветлілася, што Фордам кіраваў малады чалавек 1989 году нараджэння з прыкметамі наркатычнага ап’янення. Правоў кіроўцы ён не мае: быў пазбаўлены іх у 2011 годзе за язду ў нецвярозым стане. Неаднаразова затрымліваўся і пасля пазбаўлення правоў. Цяпер яго чакае канфіскацыя аўтамабіля.