Дапытаныя: КДБ спрабуе схіліць да паказанняў супраць сваіх паплечнікаў
Актывістаў "Маладога фронту" Валерыя Мацкевіча і Міколу Дземідзенку 5 студзеня дапытвалі ў КДБ.
У якасці сведкаў па крымінальнай справе аб масавых беспарадках у Мінску, што адбыліся 19 снежня.
Большасць пытанняў тычылася якраз не акцыі пратэсту, а дзейнасці маладзёвай арганізацыі і лідэраў "Маладога фронту", распавялі хлопцы.
Як паведамілі актывісты, падчас амаль пяцігадзіннага допыту іх спрабавалі схіляць да дачы паказанняў супраць сваіх паплечнікаў, паведамляе праваабарончы цэнтр "Вясна".
