Дэпутаты ПАСЕ прапанавалі расследаваць справу Паліткоўскай

Група дэпутатаў Парламенцкай Асамблеі Савета Еўропы (ПАСЕ) падпісалі зварот да краінаў-чальцоў гэтай міжнароднай арганізацыі з прапановай правесці міжнароднае расследаванне забойства расійскай журналісткі Анны Паліткоўскай, здзейсненага 7 кастрычніка мінулага года. Пад заявай падпісаліся 34 дэпутаты з 13 краінаў: Албаніі, Балгарыі, Іспаніі, Грузіі, Літвы, Малдовы, Нарвегіі, Польшчы, Румыніі, Сербіі і Эстоніі.

Дэпутаты заявілі, што Масква павінна арганізаваць добрасумленнае следства ў гэтай справе і спаслаліся на звесткі міжнароднай арганізацыі "Рэпарцёры без межаў", якая падлічыла, што з 2000 года ў Расіі быў забіты 21 журналіст.

Паводле www.newsru.com