Дэпутаты вызначаць, што такое "культурнае мерапрыемства"
Беларускія дэпутаты плануюць прыняць у першым чытанні законапраект аб унясенні паправак у закон аб культуры на вясновай сесіі Палаты прадстаўнікоў.
Пра гэта паведаміла БЕЛТА сябра Пастаяннай камісіі Палаты прадстаўнікоў па адукацыі, культуры, навуцы і навукова-тэхнічным прагрэсе Алена Новік.
Законапраект распрацаваны ў сувязі з даручэннем, якое змяшчае ўказ №542 ад 19 кастрычніка 2010 года "Аб правядзенні культурна-відовішчных мерапрыемстваў".
Гэтак, у законе аб культуры з'явіцца панятак "культурна-відовішчнае мерапрыемства" і "культурнае мерапрыемства".
