Дэвід Боўі распачаў працу над мюзіклам

Нямецкі рэжысёр Піцер Шауфус распачаў працу над мюзіклам, у якім будуць скарыстаныя песні Дэвіда Боўі. Сам Боуі ўхваліў працу над пастаноўкай і, нават, пагадзіўся паўдзельнічаць у яе стварэнні. У аснову мюзікла будзе пакладзены сюжэт навукова-фантастычнага фільма «The Man Who Fell To Earth», у якім легендарны рокер выканаў галоўную ролю.

Карціна ўпершыню выйшла на экраны ў 1976 годзе.

Зараз гісторыя пра іншапланецяніна атрымае сцэнічнае ўвасабленне пад шматлікія песні Боўі з розных перыядаў яго творчасці.

Прэм'ера пастаноўкі адбудзецца ў Нямеччыне сёлета ўвосень.

Фота: www.sohoblues.com