Дзецям забаронена мыць вокны у школах

Мінздароўя зацвердзіла новыя "Гігіенічныя патрабаванні ў агульнаадукацыйных установах", паведамляе "Электронный Борисов". Дакумент мае сілу з 1 верасня.  Цяпер у агульнаадукацыйных установах колькасць вучняў у класах не павінна перавышаць 25 чалавек. А ў вячэрняй школе, класах гімназій, ліцэях, санаторных школах-інтэрнатах – 20 навучэнцаў.

Урокі можна пачынаць не раней за 8.00 у першую змену, не пазней за 14.00 – у другую, а сканчаць не пазней за 19.30. Акрамя таго, вучням катэгарычна забаронена мыць вокны ў школах.