Джэніфер Лопес будзе прадаваць мабільныя тэлефоны
Вядомая амерыканская спявачка заявіла, што неўзабаве адкрые ўласную сетку салонаў мабільнай сувязі спецыяльна для іспанамоўных лацінаамерыканцаў.
Паводле слоў Лопес, персанал яе салонаў будзе валодаць іспанскай мовай і забяспечваць для пакупнікоў-лацінаамерыканцаў "культурна-спецыфічную атмасферу". Спецыялісты адзначаюць, што папярэднія спробы ў ЗША прадаваць мабільныя тэлефоны выключна для лацінаамерыканцаў не прыносілі вялікіх прыбыткаў, а адна кампанія ўвогуле збанкрутавала.
Нагадаем, Джэніфер Лопес — вядомая спявачка, якая прадала па ўсім свеце больш за 55 мільёнаў альбомаў, атрымала прэстыжныя прэміі. Яна таксама здымаецца ў кіно і распрацавала ўласную калекцыю адзення.
