Джыма Морысана памілавалі праз 40 год пасля смерці

Легенда рок-н-рола Джым Морысан атрымаў, нарэшце, памілаванне па справе аб з’яўленні ў грамадскім месцы ў непрыстойным выглядзе. Памілаванне было пасмяротным і яго абвясцілі толькі праз 40 год, паведамляе ВВС. У 1969 годзе суд прызнаў Морысана вінаватым у тым, што ён распрануўся на канцэрце ў Маямі, хоць іншыя ўдзельнікі гурта Doors, якія дажылі да сённяшняга дня, гэты факт адмаўляюць. Але ж так ці іначай музыкант не адсядзеў тэрмін па гэтым прысудзе, бо раптоўна памёр.
 
Сябры нябожчыка лічаць, што вельмі важна, каб гэтая судзімасць над ім не вісела, нават цяпер.