Дзмітрый Калдун выйшаў у фінал «Еўрабачання»

Беларускі спявак Дзмітрый Калдун выйшаў у фінал міжнароднага конкурсу песні «Еўрабачанне-2007», які праходзіць у Хельсінкі.  Па выніках галасавання гледачоў 21-гадовы выканаўца быў названы ў ліку дзесяці лепшых паўфіналістаў. Акрамя Калдуна ў фінал выйшлі прадстаўнікі Македоніі, Славеніі, Вугоршчыны, Грузіі, Латвіі, Сербіі, Балгарыі, Турцыі і Малдовы.

Фінал «Еўрабачання-2007» адбудзецца 12 траўня. Калдун выступіць трэцім сярод 24 удзельнікаў.