Эдынбург першым убачыць мемуары Шона Конэры

Жнівеньскі Эдынбургскі кніжны фэст стане пляцоўкай для даўно чаканай прэзентацыі мемуараў акцёра Шона Конэры, якому ў дні працы фэсту споўніцца 78 гадоў. Конэры прадставіць кнігу "Being A Scot" ("Быць шатландцам") у дзень закрыцця форума, піша BBC News.

Мемуары "Быць шатландцам" Конэры напісаў у сааўтарстве з рэжысёрам Мюрэем Грыгорам.

Дырэктар Эдынбургскага кніжнага фэсту Кэтрын Лакербы у інтэрв'ю BBC News растлумачыла, што "самы вядомы былы малочнік Фаўнцінбрыдж (раёна шатландскай сталіцы, дзе нарадзіўся Конэры) распавёў, што ён думае пра розныя аспекты шатландскага жыцця і культуры, у тым ліку пра спорт, архітэктуру і захапленне гатычнай літаратурай".

Эдынбургскі фэст, адна з найбуйнейшых кніжных падзей у свеце, у 2008 годзе запрасіў да сабе такіх знакамітых аўтараў, як Салман Рушдзі, Маргарэт Этвуд, Ханіф Курэйшы, Алан Сілітоў.

Фота: www.sqd.az