Элтан Джон абзавёўся імянным музычным плэерам

Брытанскі поп-спявак Элтан Джон выпусціў лінію імянных музычных плэераў iPod Nano, паведамляе ContactMusic. Кожная з прылад каштуе 400 фунтаў стэрлінгаў, інкруставана стразамі і на заднім баку мае нанесены лазерам подпіс музыкі. Серыя выпушчаная абмежаваным тыражом у тысячу асобнікаў.

Частка сродкаў з продажу плэераў iPod ад Джона будзе накіраваная ў дабрачынны фонд яго імя, які з 1992 года займаецца змаганнем са СНІДам. На гэтыя мэты фондам ужо было выдаткавана больш за 100 мільёнаў фунтаў стэрлінгаў.

Паводле слоў прадстаўніка спевака, Элтан Джон звычайна не любіць ставіць сваё імя на той або іншы прадукт, але ў дадзеным выпадку ён не пярэчыў, паколькі плэеры атрымаліся "экстравагантнымі і гламурнымі, як ён сам".

Фота: www.news.made.ru