Эпідэмію грыпу чакаюць у новым годзе
Захворванне на ВРВІ у Беларусі не перавышае эпідэмічных парогаў і абумоўленае негрыпознымі вірусамі.
Пра гэта БЕЛТА паведамілі ў Міністэрстве аховы здароўя.
Паводле вынікаў маніторынга, у 96,2% станоўчых вынікаў даследаванага біялагічнага матэрыяла выяўлены негрыпозныя рэспіраторныя вірусы.
Разам з тым у суседніх Расіі і Украіне рэгіструецца павелічэнне колькасці выяўленых выпадкаў пандэмічнага грыпу A/H1N1, тыпу В і грыпу A/H3N2.
Аналіз эпідэмічнай сітуацыі па грыпе ў Беларусі паказаў, што эпідэмію можна чакаць пры канцы студзеня - на пачатку лютага.
