Еўрапейскі саюз перажывае крызіс — меркаванне эксперта

Еўрапейскі саюз перажывае сур’ёзны крызіс улады, сцвярджае прадстаўнік Еўрапейскага інвестыцыйнага банку Філіп Мейстадт. “Еўракамісія больш не з’яўляецца тым маторам, якім была ў пэўную эпоху, паколькі шматлікія дзяржавы-чальцы (Еўрасаюзу) не пажадалі зніжаць сваёй ролі.


Але ў той жа час, Савет (Еўрапейскі Савет — паўнамоцны форум кіраўнікоў дзяржаваў і ўрадаў краін ЕС) усё больш і больш сутыкаецца з цяжкасцямі пры прыняцці сапраўды важных рашэнняў.


Цяпер кажуць пра поспех Еўрапейскага Савету, калі няма відавочных разыходжанняў (у пазіцыях бакоў)”, — цытуюць у пятніцу бельгійскія СМІ выказванне Мейстадта. Ён сцвярджае, што ЕС перажывае яшчэ і “крызіс сэнсу”.

“Многія еўрапейцы больш ужо ня ведаюць, што яны хочуць рабіць далей разам”, — мяркуе кіраўнік Еўрапейскага інвестыцыйнага банку.

Ён лічыць, што ва ўмовах выкліку працэсу глабалізацыі Еўрасаюзу патрэбныя больш высокія тэмпы эканамічнага забеспячэння і вырашэнне дэмаграфічнай праблемы.

Паводле www.rian.ru