Эвакуацыя ў дзіцяча-юнацкай школе ў Гомелі (фота)
Здарэнне адбылося ў другой палове дня 8 красавіка.
У будынку спецыялізаванай дзіцяча-юнацкай школы алімпійскага рэзерву № 1 спрацавала аўтаматычная пажарная сігналізацыя. На месца выехалі выратавальнікі. Высветлілася, што ў трэнажорнай зале на другім паверсе адбылося кароткае замыканне лямпы на столі. 25 чалавек адтуль эвакуяваліся самастойна.
Узгаранне супрацоўнікі МНС патушылі за лічаныя хвіліны. Пацярпелых няма.
Фота — mchs.gov.by
