ФІФА дазволіла праводзіць у Гродне адборачны матч Беларусь — Андора

Міжнародная федэрацыя футбола афіцыйна дазволіла правесці 6 чэрвеня ў Гродне адборачны матч чэмпіянату свету-2010 Беларусь — Андора.
Папярэдняя дамоўленасць аб правядзенні сустрэчы была дасягнутая даўно, але толькі цяпер у Мінск паступіў афіцыйны дакумент.

Рашэнне правесці гульню не ў сталіцы ў Беларускай федэрацыі тлумачаць жаданнем павысіць цікавасць да футбола ў рэгіёнах.

БелаПАН