Франтмэн Linkin Park адмовіўся ад Velvet Revolver

Франтмэн Linkin Park Чэстэр Бэнінгтан аспрэчыў чуткі пра тое, што ён збіраецца замяніць Скота Вэйланда ў гурце Velvet Revolver. Музыка распавёў, што сапраўды атрымліваў запрашэнне даць адно шоў з гуртом, аднак не выкарыстаў яго.

Як растлумачыў Бэнінгтан, ён знаходзіцца «ў сяброўскіх адносінах з усімі ўдзельнікамі Velvet Revolver, і ўжо былі сумесныя канцэрты. А чуткі, што я збіраюся далучыцца да Velvet Revolver, папаўзлі пасля таго, як Слэш прапанаваў адыграць з імі шоў у Вегасе.

Гэта было акурат у той час, калі Скот сышоў з калектыву. Але людзі, напэўна, вырашылі, што гэтае запрашэнне азначала, што я пачынаю граць з Velvet Revolver.

Калі б я больш не спяваў у Linkin Park і не быў бы знаёмым са Скотам, тады я б адказаў згодай. А хто б адмовіўся? Яны ж граюць класную музыку, і гэта вельмі добры шанец!».

Нагадаем, што Velvet Revolver засталіся без вакаліста ў красавіку, пасля таго як Скот Вэйланд вырашыў узяць удзел у рэуніуне свайго гурта Stone Temple Pilots.

Фота: profile.myspace.com