Франтмэн ZZ Top можа аглухнуць

Ветэраны рок-музыкі ZZ Top былі вымушаныя перанесці сваё турнэ па Еўропе з-за праблем са здароўем аднаго з удзельнікаў знакамітага трыо.

Лекары знайшлі ў басіста і вакаліста гурта Дасці Хіла дабраякасную пухліну ўнутранага вуха і адразу ж паклалі 57-гадовага музыку на абследаванне. Лекар Дасці Хіла Шон Насэры заявіў, што“каб захаваць слых пацыента, дастаткова традыцыйных метадаў лячэння, якія не патрабуюць хірургічнага ўмяшання.

Нагадаю, што гастролі ZZ Top павінны былі стартаваць 15 чэрвеня ў Нямеччыне. Цяпер плануецца, што гурт пачне турнэ на месяц пазней — 15 ліпеня. Будзем спадзявацца, што да гэтага часу Дасці Хіл цалкам ачуняе.

Фота: www.riff-o-matic.com