ФСБІ Нямеччыны засцерагае ўжываць "Internet Explorer"

Цывільная служба бяспекі ў галіне інфармацыйных сістэмаў Нямеччыны настойліва рэкамендуе не карыстацца праграмай “Internet Explorer” ад “Microsoft”. У браўзеры знойдзеная істотная “прарэха”. “Слабое месца дае магчымасць нападнікам інтэграваць у Windows шкодны код і запускаць яго праз маніпуляваную вэб-старонку”, — паведаміла служба бяспекі 15 студзеня.
Пацярпелі 6, 7 і 8 версіі праграмы “Internet Explorer” у сістэмах “Windows XP”, “Windows Vista” і “Windows 7”. Да гэтага часу няма актуалізацыяў праграмнага забяспечання, так што эксперты раяць хаця б часова перайсці другія браўзэры. “ФСБІ чакае, што слабое месца будзе выкарыстанае дзяля шкоднага пранікнення ў бліжэйшы час”.