Генерала ВПС ЗША звольнілі за п'янства і блуд падчас паездкі ў Расію
Кіраўніцтва Ваенна-Паветраных Сілаў ЗША звольніла са сваіх шэрагаў генерала, які камандаваў ракетнымі часткамі стратэгічнага прызначэння.
Прычынай называюцца нявартыя паводзіны падчас паездкі ў Расію, дзе праходзілі сумесныя расійска-амерыканскія вучэнні, адзначае РБК. Адстаўка высокапастаўленага вайскоўца адбылася яшчэ ў кастрычніку 2013 года, аднак падрабязнасці звальнення сталі вядомыя толькі цяпер.
Паведамляецца, што генерал-маёр Майкл Керы груба паводзіў сябе ў адносінах да прымаючага боку, а таксама злоўжываў алкагольнымі напоямі.
Акрамя таго, падазрэнне чыноўнікаў Пентагона выклікала занадта блізкае знаёмства з жанчынай-іншаземкай, якое Керы завёў у Расіі. У гэтым інспектары амерыканскага ваеннага ведамства пабачылі пагрозу для бяспекі ЗША.
Фота — russia.ru
