Генштаб УСУ кажа аб дыверсійна-разведвальных групах з боку Беларусі
Украінцы будуюць сцяну на мяжы з Беларуссю / t.me/tymoshenko_kyrylo
Генштаб УСУ чакае з беларускага боку дыверсійна-выведвальныя групы.
— Не выключаецца, што вораг распачне спробы ўзброеных правакацый на дзяржаўнай мяжы, а таксама спробы пранікнення дыверсійна-разведвальных груп праціўніка з тэрыторыі Расійскай Федэрацыі і Рэспублікі Беларусь, — піша Генштаб УСУ.
Раней Украіна пачала будаўніцтва сцяны на мяжы з Беларуссю.
Кіраўнік Украінскай выведкі Кірыл Буданаў адзначаў, што пагроза для Украіны з боку Беларусі ўзрасце з вызваленнем Херсона, паколькі частка расійскіх сіл адтуль можа перамясціцца ў Беларусь. Горад быў адбіты УСУ 11 лістапада.
