Глен Хэнлан дапаможа хакейнай зборнай Беларусі

Глен Хэнлан, былы галоўны трэнер нацыянальнай хакейнай зборнай Беларусі, зноў пачне з ёй працаваць у самы бліжэйшы час. Праўда, на гэты раз ён будзе выконваць функцыі трэнера-кансультанта, паведамляе “Прессбол”.  Нагадаем, пасля адстаўкі з пасады галоўнага трэнера клуба НХЛ “Вашынгтон Кэпітэлз” Хэнлан адразу атрымаў такую прапанову ад Уладзіміра Навумава, кіраўніка Федэрацыі хакею Беларусі. Паўночнаамерыканскі спецыяліст нейкі час вагаўся і разглядаў розныя варыянты працаўладкавання, у тым ліку і ў Расіі.

У Мінску Глен Хэнлан з’явіцца 29 студзеня, ён прыме ўдзел у падрыхтоўцы беларускай дружыны да міжнароднага турніра “Кубак Палесся”.