Глыбачане ўкладаюць грошы ў цукар і электраінструменты
У Глыбокім, як і па ўсёй краіне, валюту набыць немагчыма. Каб абмяняць грошы, шмат хто ездзіць на латышскую або літоўскую мяжу.
Аднак і там не заўсёды можна набыць валюту.
6 красавіка ва ўсіх крамах Глыбокага не было цукру. Па горадзе прайшлі чуткі, што ён падаражэе, і гараджане яго раскупілі. 7 красавіка цукар у крамах з’явіўся яшчэ па старой цане.
Акрамя таго, за два мінулыя дні ў будаўнічых крамах раскупілі ўвесь электраінструмент. Паколькі валюты не хапае, глыбачане стараюцца ўкласці грошы хаця б у тавары.
