Гордан Браўн стаў новым брытанскім прэм'ерам

Каралева Вялікабрытаніі Лізавета II прызначыла ў сераду новым прэм'ер-міністрам Гордана Браўна. Ён змяніў на гэтай пасадзе Тоні Блэра, які на працягу дзесяці гадоў узначальваў брытанскі ўрад. Браўн таксама ўваходзіў у гэты ўрад, дзе займаў пасаду міністра фінансаў.

Ён стаў 11-м прэм'ер-міністрам Вялікабрытаніі пасля каранавання Лізаветы II у 1953 годзе і 52-м кіраўніком брытанскага ўрада.

Чакаецца, што склад новага ўрада будзе абвешчаны сёння.

“Інтэрфакс”