Гродзенскія прадпрымальнікі ладзяць страйк
На мясцовым рынку “Паўднёвы” 16 чэрвеня не працуе каля 2 тысяч гандляроў, інфармацыя па іншых рынках удакладняецца.
Як патлумачыў БелаПАН лідар РГА “Перспектыва” Анатоль Шумчанка, прадпрымальнікі выступаюць супраць увядзення тэхрэгламенту Мытнага саюза “Аб бяспецы прадукцыі лёгкай прамысловасці”, які павінен набыць моц 1 ліпеня 2013 года. Таксама іх не задавальняюць новыя патрабаванні наконт адрыўных талонаў, як у 1990-я гады. Рэч у тым, што ад сёння, 16 чэрвеня прадпрымальнікі павінны карыстацца адрыўнымі талонамі пры продажы тавара коштам болей за 100 тысяч рублёў — калі яны не маюць касавых апаратаў.
Шумчанка не выключае стыхійныя пратэсты прадпрымальнікаў па ўсіх рэгіёнах Беларусі.
