Гурт “Би-2” дапамог запісаць песню Чычэрынай

Гурт “Би-2” выступіў у ролі саўнд-прадзюсераў адной з песень Юлі Чычэрынай. Спявачка звярнулася з прапановай супрацоўніцтва пад уражанням ад гуку, які Лёва і Шура Бі-2 знайшлі на апошнім альбоме “Ночных снайперов” “Бонни и Клайд”.

Як распавёў карэспандэнту InterMedia Шура Бі-2, “пару месяцаў таму, калі Чычэрыну папрасілі разам праспяваць на “Максидроме” песню “Мой рок-н-ролл”, яна ў сваю чаргу папрасіла дапамагчы ёй з запісам новага матэрыяла. Юля дала паслухаць некалькі песень, і мы з Лёвай спынілі свой выбар на трэке “Закаляет”.

Шура дадаў, што "гэтая тэма ўжо выдавалася на альбоме гурта “Чичерина” “Человек-птица”, але зараз яна будзе гучаць цалкам у іншым варыянце, у стылі “электра-дэнс”.

Запісвалі “Закаляет” на студыі Сяргея Бальшакова класічнай творчай камандай – Бальшакоў, Жэка Панкаў і музыкі “Бі-2”.

Ці працягнуць Лёва і Шура супрацоўніцтва з Чычэрынай у ролі саўнд-прадзюсераў або “Закаляет” стане разавым сумесным праектам, яшчэ невядома.

Прэм'ера песні адбудзецца ў сярэдзіне ліпеня на “Радыё Максімум”.

Фота: www.muztorg.ru