Харватыя гатовая спісаць пазыкі 60 тысячам грамадзян
Схема разлічаная на тых, хто завінаваціўся да 5 тысяч долараў і чые банкаўскія рахункі былі замарожаныя з-за пазык.
Урад Харватыі даў прыкладна 60 тысячам малазабяспечаных грамадзян краіны магчымасць ануляваць сваю запазычанасць перад крэдыторамі. Схема атрымала назву "Новы старт". Як перадае ВВС, яна разлічаная на тых, хто завінаваціўся да 5 тысяч долараў і чые банкаўскія рахункі былі замарожаныя з-за даўгоў.
Выплату пазык возьмуць на сябе прыватныя кампаніі і грамадскія арганізацыі.
Некаторыя назіральнікі называюць гэтыя меры папулісцкім прыёмам, прымеркаваным да прызначаных на гэты год усеагульных выбараў.
Але амбасадар Харватыі ў Лондане назваў гэты крок неабходным, бо большасць грамадзян, чые даўгі будуць спісаныя, апынуліся ў складаным фінансавым становішчы не са сваёй віны.
Фота — ascience.org
