"Human Rights Watch": У Беларусі працягваюцца рэпрэсіі

“Беларускія ўлады зрабілі амаль немагчымай дзейнасць палітычнай апазіцыі”. Такая выснова ўтрымліваецца ў штогадовай справаздачы міжнароднай праваабарончай арганізацыі "Human Rights Watch". У дакуменце адзначаюцца шматлікія перашкоды з боку ўладаў, якія сустракаюць палітычныя партыі, факты збіцця і арыштаў актывістаў па сфальшаваных абвінавачваннях. Таксама ў справаздачы паведамляецца, што дагэтуль у Беларусі ёсць палітвязні.

Адзначаючы сітуацыю са СМІ, праваабаронцы пішуць, што беларускія ўлады ўзмацняюць кантроль над Інтэрнэтам, перыядычна блакуючы непажаданыя сайты.

Радыё Свабода