Інфарматара Wikileaks Мэнінга асудзілі на 35 гадоў турмы
Такі прысуд вынеслі капралу арміі ЗША Брэдлі Мэнінгу ў амерыканскім судзе.
Тым часам, амерыканскі тэлеканал Эн-Бі-Сі паведамляе, што паводле прысуду Мэнінг будзе мець права на ўмоўна-датэрміновае вызваленне, адзначае interfax.by.
Нагадаем, што Мэнінга прызналі вінаватым па 20 пунктах абвінавачання. У прыватнасці, яго звінавацілі ў шпіянажы, крадзяжы сакрэтных матэрыялаў, у камп'ютарным махлярстве ды ў іншых ваенных злачынствах. Тым не менш, яго прызналі невінаватым у аказанні дапамогі ворагу.
Ваенная пракуратура ЗША патрабавала, каб капрала Мэнінга пасадзілі не меней як на 60 гадоў. Таксама з яго хацелі спагнаць штраф у 100 тысяч долараў.
Абарона настойвала на тым, што турэмнае зняволенне Мэнінга не павінна перавышаць 25 гадоў.
Фота — Reuters
