Інвестары Microsoft дамагаюцца адстаўкі Біла Гейтса
Тры з 20 найбуйнейшых інвестараў Microsoft выступаюць за разгляд пытання пра адстаўку Біла Гейтса з пасады старшыні рады дырэктараў.
Інвестараў турбуе, што Біл Гейтс блакуе прыняцце новай стратэгіі і будзе абмяжоўваць уладу новага выканаўчага дырэктара, калі той паспрабуе ажыццявіць пераўтварэнні ў кампаніі. У Microsoft адмаўляюцца каментаваць гэтую інфармацыю, адзначае РБК.
Нагадаем, што гендырэктар Microsoft Стыў Балмер на працягу мноства гадоў адчуваў ціск з боку акцыянераў наконт паляпшэння працы кампаніі і коштаў на акцыі. А вось выпадкаў, каб мішэнню для крытыкі акцыянераў станавіўся Біл Гейтс, які стварыў кампанію 38 гадоў таму, не было.
Што праўда, тры інвестары, незадаволеныя Гейтсам, у сукупнасці валодаюць толькі 5% акцый. Самому Гейтсу належыць каля 4,5% акцый, ён з'яўляецца найбуйнейшым індывідуальным акцыянерам кампаніі.
Фота — simst.bsu.by
