Іспанскі хірург перасадзіў пацыенту замест левай правую руку

Вядомы іспанскі хірург Педра Кавадас упершыню ў свеце здолеў ператварыць правую руку свайго пацыента ў левую.
Аперацыя прайшла ў Валенсіі, дзе працуе гэты медык. Ён растлумачыў, што пацыент пазбавіўся левай рукі 40 гадоў назад, а тры гада таму перанёс кровазліццё ў мозг, якое паралізавала ўвесь правы бок яго цела.

Трансплантацыя паспяхова прайшла 29 красавіка, і ў бліжэйшыя два дні пацыент зможа пакінуць лякарню. Цяпер яму давядзецца узмоцнена распрацоўваць і трэніраваць "новую" руку.

“Інтэрфакс”