Італьянская газета дарыла сваім чытачам “Mein Kampf”
Кансерватыўная італьянская газета Il Giornale дарыла пакупнікам нядзельнага платнага дадатку экзэмпляры анатаванага выдання “Mein Kampf” Адольфа Гітлера.
Прэм’ер-міністр Італіі Матэа Рэнцы і прадстаўнікі італьянскай габрэйскай абшчыны раскрытыкавалі газету, а выданне ў адказ заявіла, што мэтай раздачы кнігі была асвета чытачоў. Рэдакцыя Il Gioarnale мяркуе, што чытанне Mein Kampf — найлепшы сродак супраць ідэяў нацыянал-сацыялізму.
Газета таксама плануе распаўсюджваць васьмітомнік па гісторыі трэцяга рэйха.
Il Giornale належыць Паола Берлусконі — брату былога прэм’ер-міністра Італіі Сільвіё Берлусконі, перадаюць замежныя СМІ.
