Каля Мінскага гарадскога ўпраўлення МНС адбыўся “выбух”

У Мінску на вуліцы Казлова ў адным з камунікацыйных люкаў грымнуў выбух, які выратавальнікі называюць “хлапком”. Здарэнне адбылося 14 лістапада. Вось што распавёў Еўрарадыё прэс-сакратар гарадскога ўпраўлення МНС Глеб Свірыд:

“Там адбылося кароткае замыканне тэлефоннай лініі. І адбылося загаранне пасля гэтага. Быў хлапок, выляцела накрыўка люка. 900 абанентаў былі адключаныя па вуліцах Баграціёна, Пуліхава і Казлова.

Наступствы на гэты момант ліквідаваны. Мы хутка пагасілі загаранне… Дарэчы, гэта адбылося насупраць нашага ўпраўлення гарадскога”.

Відавочцы сведчаць, што пасля “хлапка” накрыўка люка падляцела ўгару, а з яго паваліў чорны дым, адзначае сайт nn.by.

Фота - http://www.ctv.by