Канатаходзец прайшоў над Чыкага без страхоўкі (відэа)
Амерыканскі канатаходзец Нік Валенда на вачах у тысяч людзей прайшоў па тросе, нацягнутым паміж хмарачосамі ў Чыкага.
Спачатку 35-гадовы Валенда прайшоў па тросе паміж дзвюма вежамі на розных берагах ракі Чыкага. Потым канатаходзец прашоў паміж вежамі будынкаў "Марына-сіці" на паўночным беразе ракі Чыкага. Тут ён закрыў вочы павязкай і адмовіўся ад страхоўкі, адзначае ВВС.
Першую частку дарогі — над ракой — Валенда пераадолеў за 6 хвілінаў 52 секунды. Пры гэтым канатаходзец ішоў на вышыні звыш 150 метраў пад парывамі ветру да 40 км у гадзіну.
Адлегласць паміж вежамі "Марына-сіці", дзе ішоў без страхоўкі, гімнаст прайшоў за 1 хвіліну 17 секундаў.
Дарэчы, дасягненні Валенды ўжо шэсць разоў траплялі ў Кнігу рэкордаў Гінэса.
Фота — Getty i Reuters
