Каралева Елізавета завяла старонку на Facebook

Цяпер сярод карыстальнікаў сацыяльных сетак з’явілася і каралева Вялікабрытаніі Елізавета ІІ. Сваю старонку яна запусціла сёння, 8 лістапада, і назвала “Брытанская манархія”.
На жаль, дадаць да сяброў каралеўскую сям’ю звычайныя карыстальнікі не змогуць, бо старонка будзе насіць карпаратыўны характар. Але ж можна будзе падпісацца на рэгулярныя абнаўленні і бачыць у сваёй стужцы навіны ад дынастыі Вінздараў, паведамляе CBS.

Акрамя гэтага, каралева Елізавета ІІ рэгулярна карыстаецца электроннай поштай, мікраблогам Twitter, відэасэрвісам Youtube і фотаблогам Flickr.