Карпарацыя Bayer прыпыняе дзейнасць у Беларусі і Расіі
Нямецкая карпарацыя Bayer прыпыняе любую дзейнасць у Беларусі і Расіі, калі яна не звязаная з пастаўкамі прадукцыі, важнай для аховы здароўя і сельскай гаспадаркі.
На сваім сайце карпарацыя тлумачыць, што гэтае рашэнне звязанае з вайной, якую Расія вядзе ва Украіне: "Вайна падымае маральныя і этычныя пытанні для кожнай кампаніі".
Карпарацыя прыпыняе ўсе рэкламныя ды іншыя мерапрыемствы па прасоўванні прадукцыі, капітальныя інвестыцыі, а таксама адмаўляецца ад новых здзелак.
Пры гэтым у Bayer абяцаюць працягваць пастаўкі такой прадукцыі, як лекі ад раку ці сардэчна-сасудзістых захворванняў, медыцынскіх прэпаратаў для цяжарных жанчын і дзяцей, а таксама насенне для вырошчвання прадуктаў харчавання.
