КДБ раіць "не рабіць неабдуманых учынкаў"
Сёння ў Магілёве дапытаны ў якасці сведкі па справе аб "беспарадках" сябра аргкамітэту партыі "Беларускі рух" Аляксандр Анісімаў.
Актывіст не выключае, што хтосьці са знаёмых паведаміў супрацоўнікам КДБ аб яго ўдзеле ў падзеях 19 снежня ў Мінску.
Аляксандра таксама пыталіся, хто са знаёмых ехаў на акцыю з Магілёва, каго ён бачыў на Плошчы. "Прапаноўвалі стандартнае супрацоўніцтва па справе. Я адмовіўся. Параілі не рабіць неабдуманых учынкаў", — распавёў Анісімаў Радыё "Свабода".
