Кіяну Рыўз стане касмічным паляўнічым за галовамі

Кіяну Рыўз ізноў здымецца ў фантастычным фільме кінастудыі 20th Century Fox. Як паведамляе Variety, Рыўзу прапанаваная галоўная роля ў экранізацыі папулярнага японскага анімэ "Каўбой Бібоп". У першакрыніцы гаворка ідзе аб камандзе паляўнічых за галовамі, якая падарожнічае ў 2071 годзе ў глыбокім космасе на караблі пад назвай "Бібоп". Рыўзу дастаўся персанаж з імем Спайк Шпігель. Сцэнар паўнаметражнай адаптацыі даручаны Піцеру Крэйгу. Прадзюсарам праекту будзе Эрвін Стоф, з якім Рыўз працаваў у карціне "Дзень, калі Зямля спынілася".

Мультыплікацыйны серыял дэманстраваўся ў эфіры японскага тэлеканала Tokyo TV у 1998 годзе, а затым часткова выходзіў у ЗША у сетцы Cartoon Network.

Фота: www.hit.ck.ua