Клуб "Дынама–Мінск" можа стаць "Партызанам" ці "Зубрам"

Мінскі хакейны клуб "Дынама" да пачатку сезону ў Кантынентальнай хакейнай лізе можа змяніць назву. Пра гэта паведаміў "Прессбол". Цяпер разглядаюцца некалькі варыянтаў, асноўныя — "Зубр" і "Партызан". Журналісты "Беларускага партызана" звярнуліся па пацверджанне непасрэдна ў "Дынама-Мінск". У прэс-службе клуба інфармацыю не аспрэчылі, але і не пацвердзілі.  

Нагадаем, што гучныя спрэчкі пачаліся пасля таго, як клуб вырашыў памяняць назву на "Дінамо". Праваўладальнік гандлёвай маркі БФСТ "Дынама" выступіў супраць такой змены.