КНДР адклала ўз’ядненне карэйскіх сем’яў
Прычынай такога рашэння была названая “варожая” палітыка Паўднёвай Карэі.
Уз’яднанне можа адбыцца толькі тады, калі будзе створаная “нармальная атмасфера” для перамоваў паміж дзвюма краінамі, заяўляюць паўночнакарэйскія ўлады.
Афіцыйны Сеул у сваю чаргу пакуль ніяк не каментаваў гэтую заяву.
Уз’яднанне сем’яў, раздзеленых Карэйскай вайной, павінна было адбыцца з 25 па 30 верасня ў турыстычным рэгіёне Кымгансан на тэрыторыі Паўночнай Карэі. Чакалася, што сустрэць сваякоў змогуць каля 100 чалавек з кожнага боку.
Сустрэчы для раздзеленых сем’яў арганізоўваліся ўладамі КНДР і Паўднёвай Карэі з 2000 года, і, звычайна, былі прымеркаваныя да вялікіх святаў. З лістапада 2010 года падобныя мерапрыемствы былі перарваныя з-за абвастрэння адносінаў паміж дзвюма Карэямі, перадае ВВС.
