“Кола агляду” стала самым прыбытковым атракцыёнам Мінска

Сёлета буйныя гарадскія паркі адпачынку завяршаюць сезон з прыбыткам. Пра гэта паведаміў намеснік дырэктара прадпрыемства "Гарадскія паркі" "Мінскзеленбуда" Анатоль Васілеўскі.
Паводле яго слоў, самым прыбытковым атракцыёнам у мінулым сезоне было “Кола агляду” ў Цэнтральным дзіцячым парку імя Горкага.

Прыбытак ад яго працы складаў у сярэднім 40-50 мільёнаў рублёў за месяц. А наогул на атракцыёны наведвальнікі штомесяц трацілі ўлетку ад 120 да 160 мільёнаў.

“Мінск-навіны”