Колькасць беларускіх курортаў павялічаць загадам?
Член Палаты прадстаўнікоў з Баранавічаў Святлана Пішч знайшла спосаб павялічыць лік курортных пасёлкаў у Беларусі.
Пра яго яна паведаміла са старонак мясцовай газеты "Наш край".
На думку дэпутаткі, каб залічыць наяўныя пансіянаты, дамы адпачынку і санаторыі да курортаў "дастаткова адмяніць закон, які трактуе, што ў курортным пасёлку павінна быць не менш за 2000 жыхароў". Калі зняць абмежаванні, многія пасёлкі атрымаюць дадатковы шанец ператварыцца ў квітнеючыя гарадкі, лічыць Пішч.
Праўда, пры гэтым дэпутатка нічога не кажа аб развіцці інфраструктуры. Не згадвае яна і тое, што курорт — гэта месца, дзе можна адпачыць і паправіць здароўе, а не населены пункт з пэўнай колькасцю жыхароў.
Дарэчы, пакуль што ў нашай краіне толькі адзін курортны пасёлак — Нарач.
